Poezitë e këtij libri (pjesa më e madhe e tyre), ashtu frazë pas fraze e varg pas vargu, kanë ardhur dhe janë formësuar në rrethanat e një kohe të pazakontë. Madje në një periudhë ankthi të përgjithshëm ekzistencial, në kohë pandemie. Kështu, pjesa më e madhe e vargjeve mbajnë “vulën” e ankthit vetjak e kolektiv të shkaktuar nga Covid-19, përmbledhin përjetime, vëzhgime, arsyetime e ndjesi gjithfarëshe, që janë përthyer e kanë marrë trajtë poetike.
