Numrat, figurat dhe format që ndodhen në setet me tri kartela dhe që  fëmijët duhet t’i bashkojnë në veprimtaritë që do të zhvillojnë me to, shërbejnë për realizimin e 4 kompetencave në lëndën e matematikës.

Bashkimi i 3 kartelave krijon një figurë të plotë, nga e cila fëmija do të mësojë numrat, ngjyrat dhe format gjeometrike.

Kur kartelat bashkohen, krijojnë 20 sete me nga 3 kartela: 10 figura të plota në pjesën e përparme të kartelave dhe 10 figura me forma në pjesën e prapme të tyre.

Gjithashtu ka edhe 3 kartela me udhëzime dhe 6 kartela me forma gjeometrike tridimensionale.